Hainbat boluntariok hartu zuten parte ekimen solidarioan, herrian zehar banatuta zeuden mahaietan. Era berean, urtero egindako ekimen horrek aukera ematen du herritarren artean elkartearen presentzia handitzeko eta elkarteak egunetik egunera pazienteen eta haien senideen onurarako egindako lana ezagutarazteko. Hortaz, boluntario guztiei eskerrak eman nahi dizkiegu, ekimen horretan eta beste batzuetan parte hartuz elkartea bultzatzen egiten duten lanagatik. Lortutako baliabideak ikerketa onkologikorako eta elkartearen doako zerbitzuak sustatzeko erabiliko dira.
Gelditzen zarenean, minbiziaren aurka mugitzen gara lelopean, kanpainak keinu baten balioan jartzen du arreta, elkartearen itsulapiko edo eskaera mahai baten aurrean gelditzean, keinu txikia dirudien arren, ikerketa bultzatzeko, arreta hobetzeko eta itxaropena sortzeko gai den mugimendu kolektibo bat aktibatzen du. Diru bilketa horren bitartez lortutako funtsei esker, ikerketa onkologikoarekin lotutako proiektuen finantzaketa, pazienteak eta haien senideak artatzeko programa eta gaixotasunaren prebentziorako eta detekzio goiztiarreko kanpainen jarraipena bermatzen da. Era berean, elkarteak eskaintzen dituen zerbitzuen doakotasuna mantentzeko ere ezinbestekoa da. Gainera, jardun horrek guztiak ahalbideratuko du elkarteak helburu duen minbiziaren %70eko biziraupena lortzen.
Azkenik, egun hartan dohaintzarik egiteko aukerarik izan ez zuten herritarrei adierazi nahi diegu posible dela mihucha.contraelcancer.es/campaigns/hucha-gipuzkoa-ren bitartez egitea, nahi izanez gero.
Minbiziaren Aurka Gipuzkoan Elkartea