Irukurutzetan barrena, Karakatetik (749 m.) Elosumendirainoko (885 m.) lerroan (1), beti ere lau samar eta ia beti 800 metrotik behera jaisteke, bada 11 km. inguruko zidor paregabea, pasealeku aparta, nondik aldi berean ikusten diren, inguru-minguruan, Hego Euskal Herriko lau lurraldeetako mendi-gailurrak. Ez gero pentsa Aldundiak egin duen bideberde berriren bat denik, sei mila urte inguru dituen dolmen-bidea da-eta.