Elastiko ofizialean Euskal Herriko mapa eta ikurrina ezartzeko Athletic Clubak hartu duen erabakia ebazpen politikotzat jo du zenbaitek eta, ildo beretik, baita kritika eta protesta politikoak egin ere. Politika, futbola bezalaxe, nekez da objektiboa. Baina, edozelan ere, zergatik da politikoa Athletic-ek hautatu duen ikurra? Eta ez, esaterako, sorrerako filosofiaren ilustrazioa baino ez?