Ostegunez, Almu Maeso, Nahia Albizuri eta Estibalitz Gonzálezek osatutako epaimahaia aritu zen eskaparate politenaren bila herriko kaleetan gora eta bera. Konposizioa, azokarekin lotura, kolorea eta orijinaltasuna baloratuz, bi sari banatu zituzten: lehenengoa Karabixa tabernari eta bigarrena Xiripot liburu-dendari.
1. saria: KARABIXA taberna
Epaimahaiak baloratu du azokari eskainitako espazioan erakutsitako eskuzabaltasuna, koloreen harmonia eta, lau konposizio desberdin sortuz, naturaren elementu biziak aurkeztea.
2. saria: XIRIPOT liburu-denda
Epaimahaiak baloratu du bere produktua azokarekin integratu izana, leku zabala eskainiz erakusleihoan eta aukeratutako gaia era egokian garatuz.
Gaur goizean irabazleei saria jakinarazi ostean, bihar, eguerdiko 13:30etan plazako oholtzan banatuko zaizkie dagozkien garaikur eta bertako produktuz osatutako kutxa.
Estibalitz González, Nahia Albizuri eta Almu Maeso epaileak.
