Ikaslearengana zuzendu eta gorroto horren zergatiaz interesa adieraziz, umea zela eskolan irakasleren batekin euskararen erabileraren inguruan izandako tirabira batzuk aipatzen ditu, inongo zehaztapenik eman gabe.
D ereduan irakasle izan nintzen urteak gertu ditut oso, eta erraz irudikatu ditut klasean izandako zailtasunak; ohikoena, D ereduko ikasleek egun osoan euskaraz hitz-erdirik egiten ez zutenekoa, eta egoera horiek kudeatzeko tirabirak. Txanponaren beste aldean, ordea, tirabira horiek izan ditzaketen albo-kalteak ditut aurrez aurre, euskal zaletasuna indartu nahian euskarafobia elikatu dezakegula.