Paradoxikoki, arauari hain lotuta nagoen arren, desobedientzia zibila demokraziaren muina dela sinisten dut. Zuzenbidearen funtzioa gizartea kontrolatu baino gehiago hura burujabetzea izango bada, arau bidegabeen aurrean erantzuten duen gizarte bat bermatu behar du. Hala ez bada, Milgramen esperimentuak erakutsi zigun ze puntura arte iristeko gai garen.
Hala ere, desobedientzia sistematikoki zigortzen da, baita hemen ere. Esaterako, Ertzaintzak 2024an jarritako isunen %42 "autoritatea desobeditzeagatik" jarri ziren. Are, heziketa guztia obedientzian planteatzen zaigu, txintxo portatuta etorkizun oparoa izango dugun irudipenean.
Horregatik, desobediente izateko zer gaitasun gelditzen zaigun galdetzen pasa nuen antzezlana. Nik, zuk, salatuko genuke injustizia hura bermatzen duen sisteman?