Abenduan Plaza Zaharrean gauzatutako azoka solidarioak kontsumo arduratsua, berrerabilpena eta ekonomia zirkularra sustatzea izan zuen helburu, eta herritarren parte-hartze zabala jaso zuen.
Udalbatzarrean ikastetxeak eta antolatzaileek proiektuaren garapena, lortutako emaitzak eta ondorio nagusiak azaldu dituzte. Bereziki azpimarratu da ekimenak izan duen eragin positiboa komunitatean, bai ingurumen-hezkuntzaren ikuspegitik, bai herritarren inplikazioaren aldetik.
Udalak balorazio positiboa egin du aurkeztutako emaitzen inguruan, nabarmenduz hezkuntza-komunitatearen, Udalaren eta Debegesaren arteko lankidetzak ekarpen esanguratsua egiten diola tokiko jasangarritasunaren sustapenari.
Halaber, adierazi da ekimen honek Agenda 2030aren helburuekin bat egiten duela, eta gazteen parte-hartze aktiboa funtsezkoa dela kontsumo ohitura arduratsuagoak eta ingurumenarekiko konpromisoa indartzeko.
Udalak berretsi du antzeko proiektuak etorkizunean ere sustatzen jarraitzeko konpromisoa.
Eskola Agenda 2030 Debabarrenean
Debegesak, Debabarreneko garapen agentziak, hogei urte daramatza eskualdeko udalekin elkarlanean Eskolako 2030 Agenda proiektua bultzatzen eta koordinatzen. 2030 Eskola Agenda garapen jasangarrirako hezkuntza-programa bat da, eskola-komunitateari zuzendua. Proiektuak hiru helburu ditu:
-
Ikastetxeak ingurumen- eta gizarte-jardunbide egokien eredu bihurtzea.
-
Ikasleak heztea, ingurumen- eta gizarte-arazoak identifikatzeko eta konpontzeko gai izan daitezen.
-
Hezkuntza parte-hartzailea eta ingurumenarekiko errespetuzkoa bermatzea.