Soraluzeko Udalak zein herriko hezkuntza ez-formaleko eragile eta elkarteek familientzako tresna baten beharra ikusi zuten pasa den ikasturtean haien seme-alabeen aisialdi-eskaintza antolatzen laguntzeko. Iazko eskuorriaren arrakasta ikusirik oraingoan ere, datorren ikasturterako herriko haurrek eta gaztetxoek eskuragarri izango duten aisialdi-eskaintza osoa jasotzen duen eskuorri bat kaleratu du.
Baliabide honen helburua da herriko familiek adin bakoitzerako Soraluzen dauden aukera guztien berri modu bateratu eta ordenatuan jasotzea; halaber, izen-emate garaia hasten denerako, familiek aukera guztien berri izatea.
Eskaintza oparoa 2025-2026 ikasturterako
Soraluze herri txikia izanik ere, aisialdi-eskaintza zabala dago gurean, eta hezkuntza ez-formaleko eragile eta elkarteak zein udala jakitun dira batzuetan ez dela erraza izaten familientzat adin bakoitzean zein aukera dagoen jakitea eta nora jo izena emateko. Gainera, hainbat eragile edo elkartek haien eskaintza berritu eta zabaldu dute; besteak beste musika eskolak, zirko eskolak eta irristaketa taldeak. Sortu berri den Dantza eskolaren eskaintza ere gehitu da eskuorri berrian. Horrez gain, gazteei begirako eskaintza ere jaso da aurtengoan; 18 urte arte luzatuz.
Aisialdi-eskaintza bakoitzaren barruan eskaintzen den adin tartea, harremanetarako kontaktua, izen-emate epeak eta ohar bereziak jasotzen dira. Jarraian kontsulta daitezke guztiak: 2026-2027 eskuorria
Zenbait izen-emate zabalik daude dagoeneko
Dagoeneko eman daiteke izena 2026-2027 ikasturteko haur eta gaztetxoen aisialdi-eskaintzako zenbait ikastarotan. Jarraian izena eman daitekeen ikastaro nahiz zerbitzuen informazioa eta izen emateko estekak aurkitu daitezke. Plaza mugatuak dituzte tailer eta ikastaro gehienek.
ZIRKO ESKOLA
BERTSO ESKOLA
DANTZA ESKOLA
LUDOTEKA
GAZTELEKUA
ESKOLA KIROLA
IGERIKETA
- Igeriketa ikastaroen informazioa
- Izen ematea kiroldegiko harreran egin behar da.
MUSIKA ESKOLA