Soraluzeko jaietarako hainbat ohar eta jaiak iragartzeko bideo laburra: uztailak 23, eguena

Erabiltzailearen aurpegia Soraluzeko Udala 2026ko uztailaren 16a

Kalean da dagoeneko 2026ko Soraluzeko jaiak iragartzeko lehenengo bideo laburra, uztailaren 23ko ekintzen berri ematen duena; herri bazkarirako tiketak salgai daude oraindik eta danborrada udaletxeko balkoitik ikusteko aukera izango da.

Pasa den astean hasi zen Santiago eta Santa Ana jaietarako giroa berotzen programa etxez etxe banatuta; formatu digitalean ere zabaldu zen, lotura honetan ikusgai dena: Soraluzeko jaiak 2026.

Asteburu honetan ere jaigiroa izango da herrian; izan ere, Moto topaketa izango da zapatuan eta Soraluzeko arrozak kulturarteko topaketa domekan.

Gaurtik hasi eta datorren martitzenera bitarte, berriz, bideo laburrak argitaratuko dira udalaren webgunean eta sare sozialetan egun bakoitzeko egitarau guztiarekin. Horrela, herritarrek ekintza bakoitza hobeto irudikatu ahal izango dute eta jaietan zehar izango diren ekitaldi zein musika proposamenak ezagutu.

Hona lehenengo bideo laburra, uztailaren 23ko egitarauarekin:

Herri bazkariko tiketak Iratxon salgai

Noiz: uztailak 25, zapatua
Txartelak: Iratxo goxoki-dendan salgai, 15,5 eta 10,5 euroren truke

Tiketak erosteko azken eguna: uztailak 20, astelehena

Danborrada udaletxeko balkoitik ikusteko aukera

2024ko jaietan berreskuratu zen danborrada atzera ere, soraluzetar ugariren parte-hartzea duen herri ekimen handia; horrekin batera, danborrada udaletxetik ikusteko aukera ere izan da azken bi urteotan. Proposamen horrek izandako harrera ona ikusita, aurtengoan ere Danborrada Soraluzeko Udaletxeko balkoitik ikusteko aukera eman nahi zaie herritarrei. Horretarako, aurrez izena eman beharko da, eta bi bide daude horretarako:

Uztailaren 21a izango da izena emateko azken eguna, eta toki baino izen-emate gehiago badaude, zozketa bidez aukeratuko dira parte-hartzaileak eta banaka abisatu.

Udala Soraluze