Seme-alabek hizkuntzak ondo ikasteari eta euskararekiko harreman positiboa garatzeari garrantzi handia ematen zaio.
Jakinekoa, gai honek askotan zalantzak sortzen dituela familietan: nola lagundu etxerako lanekin, zer egin euskara ondo ez dakigunean, euskararen erabilera nola sustatu, eta abar.
Horregatik, AROA planaren helburuei erantzunez, Soraluzeko Udalak familientzat bi hitzaldi telematiko antolatu ditu doakoak: bata euskaraz izango da eta bestea gaztelaniaz. Saio praktikoak izango dira, ideiak eta baliabideak partekatzeko eta sor daitezkeen zalantzak argitzeko.
Parte hartzea errazteko, hitzaldi bakoitza hainbat ordutegitan eskainiko da; horrela, egokien datorkien saioa aukeratu ahal izango dute gurasoek. Euskarazko saioa urriaren 20an izango da; gaztelerazkoa, ostera, urriaren 22an. Data eta saio bakoitzean 4 ordutegi aukeran:
- 9:30
- 15:00
- 17:00
- 18:30
Saioen iraupena: ordu eta laurden inguru.
Izen-ematea online egin beharko da esteka honetan: ebete hitzaldiak
Antolatzaileek saioetan parte hartzera animatzen dituzte gurasoak, saioak lagungarri izango direlakoan.
