Ohitura duten moduan, larunbatarekin irten dira santa eskean Mendaron. 62 lagun elkartu dira guztira santa eskerako, eta hiru taldetan banatuta ibili dira goiz osoan zehar kopla kantuan, talde bakoitzeko bina koplari eta trikitilariak lagun hartuta. Makilak eskuan, hara-hona ibili dira, ataririk atari, mokadu goxoak eginez etxe askotan. San blasa, kafea, gozoak, txorizoa, patata tortilla, gildak... sabelak ondo beteta eta eztarriak bustita aritu dira kantuan arratsalderako hirurak ingurura arte, eta ondoren, Aizpera batu dira hiru taldeak, elkarteko bazkideek prestatutako bazkariaz gozatzera. Hona egunaren laburpen bat, argazkitan.