Esther Zarrabeitia Debegesako Hirigintza eta Birgaitze arduradunak azaldua duenez, ekimen honen helburua zera da: dauden laguntza publikoetarako sarbidea erraztea herritarrei, alokairurantz bultzatzea haiek eta birgaitze jasangarria sustatzea, etxebizitzen eraginkortasun energetikoa hobetzen lagunduz. Debegesaen esanetan, eskualdean "indar handia" du zerbitzuak, eta horren erakusgarri datu bat eman dute: iaz, Debabarreneko 1.240 lagunek egin zituzten zaharberritze lanei buruzko kontsultak.
Zerbitzua eskatu nahi duenak aldez aurretik txanda eskatu behar du, "arreta egokia bermatzeko". Hitzordua eskatzeko 675 873 853 (Leire Azpiazu) telefono zenbakira deitu behar da. Herriko Enparantza 10, behean, ematen dute zerbitzua, 08:15etik 12:15era.