Bariku iluntzean (20:30), Lekittoko Deabruak taldeak Akelarre izeneko su ikuskizuna eskainiko du herrian, Gaba Baltzaren egitarauaren barruan. Igor Akarregi Lekittoko Deabruak taldeko kideak kontatu ditu taldearen eta ikuskizunaren nondik norakoak Plaentxia.eus-ek egindako audio elkarrizketan.
Akarregik azaldu duenez, Akelarre ikuskizunak ordubete inguru iraungo du eta umeei zuzenduta dago. Hala ere, ohartarazi du "su txinparta asko" izango direla eta komeni dela, parte hartu nahi izanez gero, babestuta joatea, "sudadera edo bisera zaharren bat jantzita".