Domeka goizean, Soraluzeko, Arrasateko eta Eibarko errugbilariz osatutako Debarroa Rugby Taldeak etxean dauka hitzordua. Ordizia Rugby Elkartearen kontra jokatuko du, 14 urtez azpikoen mailan.
"Geroago eta hobeto"
SoraGazteak Rugby Klubeko Enekoitz Igartuak esan duenez, aurten berriro osatu dute taldea, errugbilarien urteroko mailaketa aldaketetara egokitzeko. Esan duenez, denbora pasa ahala, “geroago eta hobeto” ari direla “jokatzen talde moduan” eta herritarrak animatu nahi ditu domekan Ezoziko futbol zelaira bertaratzera, “gure gazteak zertan dabiltzan ikusteko”.