Aste gutxi batzuk falta dira 24. Korrikari ongietorria egiteko. Soraluzera martxoaren 28an iritsiko da, 20:30ak aldera.
Ibilbide bera
Elgoibartik etorriko da, eta, Soraluze zeharkatu ondoren, Eibarrerantz joango da. Eskualdeko Korrika arduradunak esandakoaren arabera, Soraluzen azken Korrikak egindako ibilbide bera izango du: Mendiolatik sartu, Estaziñorantz joan eta Oleatik Santa Anara, erdigunea zeharkatuko du gero eta, Gabolatsera joan ondoren, Ezozibideko biribilgunean berriro ere hartuko du Mendiolarako bidea, eta handik Eibarrera joango da.