Soraluzeko antzinako sake-harria bilatzen ari direnetako bat da Ignacio Pintado Ercilla (Soraluze, 1935). Harria ondo ezagutu zuen berak eta akorduan gordeta dauka zelan jolasten zuten harekin. Marrazkia ere egin zuen sake-harria zelakoa zen erakusteko, eta, besteak beste, Sorapedian, Soraluzeko Entziklopedia Digitalean dute marrazkia jarrita, sake-harriaren argazkirik ez baita azaldu, momentuz. Gaur, eguena, sake-harriaz dituen oroitzapenak konpartitu ditu Ignacio Pintadok Barrena.eus atarian.