Euskal Herriko Musika Eskolen Elkarteak antolatuta, Pianoaz gozatzen izena duen III. piano jaialdia egingo dute bihar, zapatua. 36 udalerritako 500 piano-jotzailek baino gehiagok parte hartuko dute Gipuzkoako eta Bizkaiko zazpi udalerritan egingo diren emanaldietan.
Udalerriotako bat izango da Soraluze. Denera, 85 ikasle izango dira pianoa jotzen, eta emanaldirako propio alokatuko da isats-erdiko piano bat. Lau eskutara ere joko dira piezak. Hiru saio izango dira Herriko Antzokian, 09:30ean, 11:00etan eta 12:30ean. Tartean, noski, Soraluzeko Musika Eskolako piano ikasleek ere parte hartuko dute.