Gaur goizean, eguaztena, iragarritako ordua baino lehen zabaldu behar izan ditu ateak Institutuko ikasleek prestatutako. Historiaurreko museoak. Kanpoan, zain-zain zituzten lehen bisitariak, Plaentxi Eskolako ikasleak. Eta gehiago itxaronarazi barik, barrura sartzera gonbidatu eta bisita-gidatua hasi dute gazteek. Bideoaren laguntzaz gaia kokatu ondoren, institutuko ikasleek eurek eman dizkiete azalpenak eskolakoei. Proiektuaren gidarietako bat izan den Ander Galparsoro irakasleak esandakoaren arabera, “oso ondo joan da, gure ikasleek oso lan ona egin dute eta LH-ko ikasleek ere portaera bikaina izan dute. Beraz, oso gustura”.
Gaur, eguaztena, Soraluze BHI Institutuko 1B taldekoak arduratu dira bisita-gidatuaz. Bihar, berriz, 1A taldekoen txanda izango da. "Irakasleak gonbidatu ditugu, Institututik HIPIkoak bisitan joatea da asmoa eta DBH 1. mailako gurasoei ere gonbitea luzatuko diegu; eta, noski herritar guztiak daude gonbidatuta", esan dute.
Biharko ordutegia izango da 08:30tik 10:30ak arte.