Gure inguruan euria eta hotza sarra-sarra ziren bitartean, atzo Iruñera joan zirenek eguraldi askoz ere gozoagoaz disfrutatu zuten. Euren arteko anbientea ere primerakoa izan zutela kontatu dute eta oro har, ederto asko ibili zirela.
Xehetasunen arabera, lehenengo, entzierroaren nondik norakoak ezagutu zituzten bertatik bertara. Eta bazkaltzera joan aurretik, norbere kabuz ibili ziren. Besteak beste, Begopña Elizburuk kontatu du Gaztelu plaza inguruetan ibili zirela, antzinako tabernetan.
Bazkarirako, berriz, sagardotegia izan zuten topagune eta han ere, ezin hobeto pasa zuten. 17:00ak pasa oraindik bazkalostean zebiltzan, kantuan jo eta ke, eta, bueltan, zuzenean etxeratu barik, bidean Altsasun geratzeko aprobetxatu zuten.
Maiatzean, Costa Bravara
Hurrengo hitzordua dagoeneko antolatuta dute. Costa Bravara joango dira maiatzaren 17tik 22ra -bost gau-. Gaur, martxoak 26, zabaldu dute izena emateko epea, maiatzaren 7ra arte. Prezioa da 515 euro pertsonako logela bikoitzean. Logelan bakarrik egon nahi izanez gero, gauko 35 euroko gehigarria ordaindu beharko da.