Gaurtik, guztiz zabalik da Gabolatseko zubitik SAPArainoko errepide tartea. Azken asteotan, oinezkoak bakarrik pasa zitezkeen bertatik, baina, gaurtik, ibilgailuendako ere zabalik dago zirkulazioa. Soraluzeko Udalak jakinarazi duenez, bukatu dituzte bertako galtzada harriak birjartzeko urritik abian zeuden obrak.
Urriaren 21ean hasi zituzten Baltegieta inguruak txukuntzeko lanak. Gabolatseko zubi berria ipintzeko lanak aprobetxatuz erabaki zuen Udalak txukuntze-lanak egitea, tartean, galtzada-harriak birjartzea.
Construcciones Echaide enpresak egin ditu lanak eta 86.219,07€ gehi BEZ aurrekontua esleitu zioten.