Izena emateko orduan adierazi behar da zelan parte hartu nahi den danborradan. Halaber, jakinarazi dute entseguak ekainaren erdialdean hasiko direla. Betiko moduan, jaiak bitartean elkartuko dira frontoian, eta, ohartarazi dute danborrak zein barrilak jotzeko beharrezkoa dela entseguetara joatea. Zaldian joateko,berriz, bi pertsona baino gehiago apuntatzen badira, haiekin berba egin edo zozketa bidez aukeratuko direla esan dute.
Danborradan parte hartzeko gutxieneko adina 14 urte da; danborren eta barrilen kasuan, 16 urte; eta kanoien eta zaldi-gaineko kantineren kasuan, 18 urte.
Iaz, partaidetza handia
Danborradako antolatzaile taldea urte hasiera ezkero dabil aurtengoa prestatzen, "aurreratu daitezkeen lanak egiten", esan dutenez; adibidez, zaldiak enkargatzen, arropak ikuskatzen eta abar.
Izan ere, iaz, adibidez, 220 lagun baino gehiagok parte hartu zuen danborradan, eta, entseguak, jantzi banaketa, eguna bera… antolatzeko lanak ugaritu egiten dira azken hilabeteotan.
Honako konpainiek desfilatu zuten: Mikeleteek, Kantinerek, Agintariek, Arrantzaleae , Gudari urdinek (danborrekin), Gudari gorriek (barrilekin), Gozogileek (danborrakin), Sukaldariek (barrilekin), Sukaldariek (ez dutenak jotzen) , Aparejeruek, Ehiztariek eta Kanonistek.