Adin eta gustu guztietarako eskaintza du Soraluzeko Musika Eskolak, 0 urtetik hasi eta norberak nahi duen adinera artekoa.
Umeendako eskaintza zabala
Umeendako, adibidez, aurten estreinatuko dute 0-4 urte bitartekoendako Musika Goiztiarra.
Nagusitxoagoek, berriz, Musika eta Mugimendua ikas dezakete 5 urtetik aurrera eta Musika Kantuz 8 urtetik aurrera.
Eta noski, musika eskolak eskaintzen dituen edozein instrumentu ikasteko aukera ere badute umeek, hori 8 urtetik aurrera.
Instrumentuak
Helduen kasuan, ikasi nahi den hori norbere beharren arabera antolatzen ahalegintzen dira musika eskolan. Adibidez, eskolak goizez zein arratsaldez eskaintzen dituzte. Eta talde berezituak sortu, dagoen eskaeraren arabera. Adibidez, +55 Musika eta Mugimendua abian dute.
Instrumentuei dagokienez, berriz, gaur egun, 15 instrumentu erakusten dituzte, denetarikoak.
- Sokazkoak: gitarra klasikoa, biolina, biolontxeloa, gitarra elektrikoa, baxu elektrikoa, pianoa
- Metalezkoak: tronpeta, tronpa, tronboia eta bonbardinoa.
- Haizekozkoak: klarinetea, saxofoia, txistua, flauta, gaita nafarra, soinua, trikitia,
- Perkusioa.
Jaialdiak eta beste
Eta ikasitakoa praktikan jartzeko, konboetan zein ikasturtean egiten diren bestelako ekitaldietan parte hartzeko aukera dute ikasleek. Esaterako, Blues Hotsak jaialdian, Ipuin musikatuan, urtean hainbat kalejiratan, entzunaldietan, kontzertuetan eta beste.
Guztira, 11 irakaslek jardungo dute musika eskolan, irakaskuntzan zein musikari moduan eskarmentu luzea duten profesionalak.