Soraluzeko Udalaren adierazpen instituzionalean gogora ekartzen dutenez, indarkeria matxistak lagatako "datu larri hauek argi erakusten dute ez gaudela ekintza isolatu baten aurrean, egiturazko arazo baten aurrean baizik. (…) Emakumeenganako indarkeria (psikologikoa, ekonomikoa, fisikoa, sexuala, bikarioa…), emakumeen duintasunaren eta segurtasun fisiko nahiz moralaren aurkako eraso larria da, eta, ondorioz, giza eskubideen urraketa larri eta onartezina".
Arazo hori gizarte osoarena dela azpimarratuta, egiturazko egoera horren kontra batera borrokatu beharra adierazi zuen, besteak beste.
Eta indarkeria matxista salatzeaz bat, hari aurre egiten laguntzeko bideak zeintzuk diren gogora ekarri zuten adierazpen instituzionalean:
- Indarkeria matxista pairatzen duten emakumeak artatzeko telefonoa (EJ): 900840111 (24 ordu/51 hizkuntza)
- Emakumeenganako indarkeria mota guztietako arreta zerbitzua: 016
- Udaltzaingoa: 943753024
- Ertzaintza Bergara: 943534720
- Larrialdiak: 112
- Soraluzeko Gizarte Zerbitzuak: 943 75 00 56
- Soraluzeko Berdintasun saila:berdintasuna@soraluze.eus