Sorpresa azken momentura arte gordetzeko Kontzejupea teloi beltzez estalita zutela, Diadar Txistulari Taldearen doinuekin atera dituzte herriko erraldoi berriak Zubi Nagusira.
Ikusi eta berehala hasi da txaloka udaletxe aurrean pilatuta zegoen jendea. Segidan, bi lagun berriak aurkeztu dituzte: Mendiolako Ozeizia eta Olaondoko Anton, “gure erroak eta herriaren izaera gorpuzten dituzten” bi erraldoiak. Erraldoi biekin “aitortza” egin nahi diete “gure herriko historiako bi zutabe garrantzitsuei”, baserri munduari eta hiribilduari.
Bistakoa eta nabarmena izan da erraldoiak herritarren gustuko izan direla, txalo zaparrada jaso baitute behin eta berriro. Eta areagotu egin da txaloaldia bi erraldoiek euren lehen dantza, baltsa egin dutenenean denen aurrean.