Lekukoen arabera, bidegorriaren hasiera aldera izan da gertakaria. Inguruan paseatzen zebiltzan gainerako herritarrak asaldatuta geratu dira gertatutakoarekin.
Xehetasunen arabera, besarkada bat eman bitartean egin diote ustezko lapurreta 90 urtetik gorako emakumeari, tirakada bitartez lepokoa kenduta. Ustez, beste emakume batek egin ei du lapurreta, baina, Udaltzaingoak ez du lortu deskribapen zehatzik.
Lapurreta jasan duen emakumeak, berriz, Ertzaintzan salaketa aurkezteko asmoa erakutsi du.