Auto bat irauli da Osintxutik Soraluzerako bidean
mar 09, 09:02 Soraluze
Gaur, 08:10ak inguruan, auto batek istripua izan du 627 errepidean, Osintxuko saihesbidearen amaieran. Soraluzerako bidean, Eibarrerako noranzkoan irauli egin da eta bertan dago. Ertzaintzak esandakoaren arabera, anbulantzia bat dago gidariari arreta ematen, gizonezkoa; momentuz ez dute ospitalera eraman. Obra publikoetakoak eta garabia ere bertan daude, garbiketa lanak egiten. Errepidea zabalik dago, baina kontuz ibiltzea komeni da. Argazkia: Nagore Martin.
