Gaur iluntzean, eguaztena, suak hartu du Erregetxeko edukiontzi urdina. 19:43an jaso dute abisua Udaltzaingoan eta bulegoko eta autoko su-itzalgailuekin bertaratu dira. Edukiontzia errepide erdira atera dute, gainerako edukiontziek zein aparkatutako autoek sua har zezaten galarazteko eta sua emendatu dute. Momentuz ez dakite zelan edo zergatik piztu den sua. Gertakariak ikusmira handia eta zurrumurruak eragin ditu.
Inguruko tabernetakoak ere bertaratu dira su-itzalgailuekin laguntzera, baita herritar batzuk ere. Udaltzaingoak larrialdi zerbitzuei abisatu diete eta Ertzaintza zein suhiltzaileak bertaratu dira. Azken horiek gogotik ureztatu dute edukiontzi barrena, sua ondo emendatzeko.