Debako Udalak eta Zuhatza-Kolore Anitzek elkarlanean antolatutako Kolorez Blai euskal udaleku irekiak ekainaren 29tik uztailaren 24ra bitartean egingo dira aurten. Eta, haurren izen-ematea zabaltzearekin batera, udalekuetan lanean aritzeko lan-poltsa osatzeko deialdia ere egin dute.
Deialdira aurkezteko interesa dutenek https://barrena.eus/kolorezblailanpoltsa/ estekan sartuta eman beharko dute izena; apirilaren 17a da horretarako azken eguna.
Hona hemen lan eskaintzen xehetasunak:
Udalekuetan lan egiteko deialdia:
Eskatzen da:
- Hezkuntzarekin zerikusia duten ikasketak amaituta izatea edota begirale titulua izatea.
- Ahozko euskara maila altua izatea.
Kontuan hartuko dira:
- Aisialdian lan-eskarmentua izatea.
- Aisialdiko begirale ikastaroa euskaraz egin izana edota koordinatzaile titulua izatea.
- Hezkuntza premia berezietako ikasketak nahiz esperientzia izatea.
- Debakoa edo Itziarkoa izatea.
- Zuhatza Euskara Elkarteko bazkide izatea.
Zaintza zerbitzuan aritzeko deialdia:
Eskatzen da:
- Ahozko euskara maila altua izatea.
Kontuan hartuko dira:
- Aisialdian lan-eskarmentua izatea.
- Debakoa edo Itziarkoa izatea.
- Zuhatza Euskara Elkarteko bazkide izatea.