Antolatzaileen hitzetan, adin guztietako herritarrei zuzendutako hainbat jarduera antolatzea izan da helburua: haurrentzako ekintzak, bazkari herrikoia, kantaldi herrikoia eta erromeria, besteak beste. Horrez gain, ekimena behar bezala garatu ahal izateko boluntarioen laguntza ezinbestekoa dela nabarmendu dute, laguntzeko prest dauden herritarrei izen-emate formulario hau betetzeko eskatu diete: Boluntario moduan izena emateko formularioa.
Hona hemen ekainaren 26 eta 27rako prestatu duten egitaraua:
Ekainak 26, ostirala
- 17:00-20:00 Dortsal banaketa udaletxe azpiko arkupeetan.
Ekainak 27, larunbata
- 07:00-09:00 Dortsal banaketa udaletxe azpiko arkupeetan.
- 08:00 Mendi martxaren hasiera Foruen plazatik.
- 10:00 Mendi lasterketaren hasiera Foruen plazatik.
- Ondoren Izan Tribu (HH4-HH5eko haurrentzako jarduera) Plaza Zaharrean.
- 13:00 Sari banaketa ekitaldia Foruen plazan.
- Ondoren 'Baratxuri zopa' kantaldi herrikoia kalez kale.
- 15:00 Bazkari herrikoia Aldats pilotalekuan. Txartelak HEMEN salgai (22€ / Zuhatzakideek 20€).
- 19:30 Mugi Panderoa erromeria Kultur Elkarteko plazan.