Fortuna Kirol Elkarteak eskura jarri dituen sailkapenen arabera, Xabier Adot Zubiaurre (01:09:41) eta Aitziber Urkiola Zendoia (01:24:01) korrikalari eibartarrak izan ziren azkarrenak eskualdeko korrikalarien artean. Adot 76. postuan sailkatu zen eta Urkiola 40. postuan.
Herririk herri
- Eibartar azkarrenak Xabier Adot Zubiaurre (01:09:41) eta Aitziber Urkiola Zendoia (01:24:01) izan ziren azkarrenak. 129 eibartarrek lortu zuten Behobia-Donostia lasterketaren 61. aldia izan dena amaitzea.
- Elgoibartar azkarrenak Julen Salaberria Anton (01:14:16; 256. postua) eta Alaitz Egaña Pagola (01:36:26, 308. postua) izan ziren. Guztira 61 elgoibartarrek bukatu zuten proba.
- Debar azkarrenak Ander Quintas Etxebarria (01:15:19; 341. postua) eta Leire Olazabal Urzuriaga (01:27:44; 73. postua) izan ziren. Debako 43 lagunek bukatu zuten proba.
- Ermuar azkarrenak Javier Urquidi Fernandez (01:30:52; 3118. postuan) eta Nora Centeno Riaño (01:36:48). Promesa kategorian 21. postua eskuratu zuen Centeno gazteak. Ermuko 23 lagunek amaitu zuten lasterketa.
- Mutrikuar azkarrenak Iñigo Agirre Arrieta (01:16:29; 416. postua) eta Lara Goenaga Nanclares (01:58:48; 2.628. postua) izan ziren. Mutrikuko 20 korrikalarik bukatu zuten proba.
- Soraluzear azkarrenak Erik Azula Rivas (01:17:40; 5'3. postua) eta Paula Arana Oregi (01:43:18; 757. postua) izan ziren. Soraluzeko 11 partaidek bukatu zuten proba.
- Mendaroar azkarrenak Patxi Salegi Martija (01:17:08; 464. postua) eta Nagore Mugertza Arizmendiarrieta (01:51:47; 1.677. postua) izan ziren. Mendaroko 8 lagunek osatu zuten proba.
- Itziartar azkarrenak Iñaki Isasti Arruti (01:36:21; 5.195. postua) eta Ainhoa Aldalur Agirregabiria 01:58:00 (2.528. postua) izan ziren. Itziarko lau lagunek parte hartu zuten.
- Mallabiar azkarrena Iñigo Pradera Belar (01:11:09; 108. postuan). Bi mallabiarrek parte hartu zuten.
Herri bakoitzerako filtratutako sailkapenak ikusgai daude ondoko esteketan sakatuta: Eibar, Elgoibar, Deba, Ermua, Mutriku, Soraluze, Mendaro, Itziar eta Mallabia.
Igor Elizburuk marka pertsonala, handbikean
Handbike modalitatean lehiatu zen Igor Elizburu Astigarraga elgoibartarra eta 12. postuan sailkatu zen, 00:54:08ko denbora eginda. Hala, 34 segundoan ondu zuen orain arte zuen marka pertsonala, -2024ko edizioan lortua-.
Era berean, patinekin lehiatu zen Idoia Txurruka Altzola elgoibartarra 113. postuan sailkatu zen (01:02:39).
Javi Guerra eta Katherine Tisalema nagusi
Elite mailako lehiari dagokionez, Javi Guerra espainiarra (1:01:14) eta Katherine Tisalema ekuadortarra (1:08:58) izan ziren 20 kilometroko lasterketa amaitzen azkarrenak. Biek ala biek egin dute balentria: Guerrak, lasterketa irabazi duen korrikalari beteranoena bilakatu delako 42 urterekin, eta Tisalemak, bigarren urtez jarraian irabazi duelako. Eskuzko txirrindularien kategorian, Thibaut Benoit frantziarrak irabazi zuen proba (00:39:41), eta patinatzaileen artean, Julen Urkizar tolosarra (00:33:53) eta Garazi Ganuza barañaindarra (00:40:26) gailendu ziren.
Zuen argazkia hemen agertzerik nahi izanez gero, bidali 688 655 658 zenbakiaren watsappera.
