2020an euskal selekzioen ofizialtasuna aldarrikatzeko sortutako Gu ere bai herri mugimenduak eta erabakitzeko eskubidearen aldeko Gure Esku mugimendu herritarrak deituta, euskal selekzioaren ofizialtasuna eskatzeko elkarretaratzeak egin dira egunotan Euskal Herriko hainbat herritan. Kirola Euskal Herriak nazio gisa dituen eskubideen aldeko tresna baliagarritzat ikusten dute ekimenaren deitzaileek, eta ekimenarekin eta aldarri horrekin bat egin zuten argazkiko herritarrek zapatuan. Bolatokian elkartu ziren, selekzioaren kamisetak jantzita, eta talde argazkia atera zuten bertan.
