Umeen Eguneko kalejiran irten ziren estreinakoz kalera euskal mitologian oinarritutako lau erraldoi berriak, Erbuzeko (Elgoibarko Erraldoi, Buruhandi eta Zezenzikleten konpartsa) gainerako lagunekin batera, eta Mauxitxa eta Betisua txarangekin batera.
Elgoibarko Udal Ludotekak Erraldoien Dantza Tailerra egin zuen ekainean, eta buruhandioak nola egin ere ikasi zuten ikastaroan. Hura eman zuen Hernaniko taldeari lau erraldoi egiteko eskatu zion Elgoibarko Udalak, neska-mutilak txikitatik ohitu daitezen erraldoiak dantzatzera. Atzo izan zuten lehen aukera, eta ikastaroan aritutako dozena bat gaztetxo, eta beste zenbait lagun ere aritu ziren "erraldoi txikiak" dantzatzen, txandan-txandan, konpartsako erraldoien tartean zihoazela.