Sanbartolomeetan jai-giroan

Isidro Viñarasek lagatako argazki hau 1964 urte inguruan ateratakoa da. Elgoibarren kanpotik etorritako jende asko bizi zen, eta euren kuadrillak zituzten. Horietako bat duzue honako hau, San Bartolome jaietan jai-giroan murgilduta. Kultur Etxe aurreko plazan orduko argazkilariek ipini ohi zuten panel baten aurrean atera zuen laukote honek erretratua. Isidroren esanetan, giro ederrean igaro zuten jaieguna.