Gaur goizean abiatu den kuadrilaren aurreikuspena da 17:00ak aldera ailegatuko direla Sevillara, "bazkaltzeko geldituko gara, eta listo", diote. Badituzte partidurako sarrerak, beraz, Cartujan egoteko zortea izango dute.
Autokarabanan lo
Kontatu dutenez, orain lau lagun doaz bidean, Andoni Ariznabarreta Burunza, Markel Gil Ayora, Iñigo Cano Rordriguez eta Aitor Barrutia Aldazabal, baina beste bi batuko zaizkie geroago, Iker Urkiri Oruesagasti lan kontuak bukatzean, Plazentziako beste lagun batzuekin joanda. Eta kuadrila osatzeko, Iñaki Recio Irusta, berak Portugaleterekin duen partidua jokatu eta gero.
Partiduaren kinielari dagokionez, berriz, Realak Kopa irabaziko duela diote, baina emaitza bakoitzak berea dauka.
Andonik, Markelek eta Iñigok nahiko lukete Realak 2-3 irabaztea, Oscarssonek gola azken minutuan sartuta. Aitorrek, berriz, binakoa nahiko luke, eta, luzapenean irabaztea Realak.
Besteak, Plasencia aldean
Bestalde, atzo abiatu zen lau gazteko koadrila ere laster da berriro bidean. Atzo Plasencian egin zuten lo, gure Plazentziaren homonimoan. Bertako katedralaren aurreko plazan atera ere dute argazkia txuri-urdin jantzita, Plaza Barrixaren antzekotasuna duen plazan, eta gero, bidean aurrera segitzeko indarrak hartzera joan dira.
