Atzo arratsaldean, beste gipuzkoar mordoa moduan, soraluzetar hainbat ere izan ziren Donostian, Realari harrera egiten. Jabi, Miguel eta Patxi 18:15ean ailegatu ziren Alderdi Ederrera eta pantailetan ikusi zuten ekipoak zelan egiten zuen ibilbidea, harik eta eurak zeuden lekura iritsi arte. Ekitaldiko “politena, Sevillan moduan, ekipoak eta zaleek Aitor Zabaletarekiko erakutsitako oroitzapena izan zen, eta, guztiok elkarrekin Txoria txori kantatzea, Anoetan kantatzen diren kantuez aparte”, kontatu du Jabi Hernandezek. Argazkiak: Jabi Hernandez.