Gizonen Haundi taldeak garaipen batekin hasi du Ander Treviño (Eibar, 1985) entrenatzailearen aginduetara hasi duten etapa berria. Zuri-gorriek 1-2 irabazi zioten Beti Gazteri Lesakako Maistegi futbol zelaian jokatutako partidan. Iker Iglesiasek sartu zuen elgoibartarren denboraldiko lehen gola, 35. minutuan eta Unai Arriolak handitu zuen aldea, 71. minutuan sartutako golarekin. Yeray Geromettak sartu zuen lesakarren gola, 78. minutuan. Haundik zapatu honetan jokatuko du etxeko lehen partida, Mintxetan, eta Mondragon izango dute aurkari (16:30). Arrasatearrek bana berdindu zuten Bergararekin lehen jardunaldian.
Zapatuan Mintxetan jokatuko dute gizonen eta emakumeen Haundi taldeek
Emakumeen Haundi taldeak ere zapatuan jokatuko du ligako lehen partida, Mintxetan, gizonezkoen norgehiagokaren ostean, 18:30ean. Urola taldea izango dute aurkari. Andoni Duartek eta Alex Zalbak entrenatutako taldeak ligako hirugarren postuan amaitu zuen iaz, hainbat jardunalditan igoera postuengatik lehiatzen ibili eta gero.
Gizonezkoen bigarren taldeak ere asteburuan hasiko du erregional mailako liga txapelketa, derbi batekin hasi ere, Eibarko Urki taldea izango baitute aurkari domekan (irailak 20) Mintxetan jokatuko duten norgehiagokan (18:30).
CD Elgoibarko taldeen asteburuko partidak
Irailak 19 (Mintxeta):
10:00 CD Elgoibar Kadete B - Mondragon
12:00 Infantil F11 neskak - Zumaiako *Lagunarteko partida
16:30 Haundi giz. (1) - Mondragon
18:30 Haundi emak. - Urola
Irailak 20 (Mintxeta):
10:00 Infantil A - Zumaiako *Lagunartekoa
12:00 Alebin mailako taldeen arteko partida
16:30 Jubenil A - Anaitasuna
18:30 Elgoibar B - Urki
Irailak 19 (Kanpoan):
10:30 Zarautz - Infantil Haundi (Asti Txiki *lagunartekoa)
11:15 Aloña Mendi - Infantil B (Azkogain *lagunartekoa)
12:45 Anaitasuna - Kadete A Neskak (San Juan *lagunartekoa)
13:30 Ikasberri - Jubenil B (Garmendipe 1 anexoa *lagunartekoa)
15:00 Aloña Mendi - Infantil Txiki (Azkogain *lagunartekoa)
17:00 Aloña Mendi - Kadete C (Azkogain *lagunartekoa)
Irailak 20 (kanpoan):
10:30 Zumaiako - Kadete B Neskak (Aita Mari *lagunartekoa)
12:00 Aloña Mendi - Kadete A (Azkogain)