Irailaren 19an jokatu zen Hiru Txikiak Traila, orain arteko ediziorik jendetsuena, 1.000 lagunetik gorako parte-hartzearekin.
Kirolaz haratago, ordea, polemikak markatu zuen eguna, FEREDUren –genero-indarkeriaren salaketa baten aurrean ustezko erasotzailearen alde egin zuen enpresaren– babesletza mantentzeko erabakiak eragindako eztabaidaren ondorioz. Ostean, antolakuntzak enpresarekiko lankidetza-harreman oro eten zuela eta hausnarketa prozesu batean murgilduko zela iragarri zuen, Hiru Txikiak Traila berriro egingo ote den zalantzan utzita.
Hausnarketa horretan, alde batetik, hartutako erabakiak eta parte-hartzaileen kexak izango dituzte mahai gainean; eta, bestetik, aftermovie-an islatu dutena: lasterketa herrikoi bezala sortu zena, adin guztietako ermuarrentzat zein lekutatik etorritako korrikalarientzat erreferentziazko hitzordu bihurtu dela.
Urte hasieran eman ohi dute hurrengo lasterketaren berri; beraz, 2027ra arte itxaron beharko da proiektuak jarraipenik izango duen edo bost urteko ibilbide honekin itxiko den jakiteko.
