Antzezlana

19:00

20:00

Antzerkia: 'Birakolore'

XXXIX. Antzerki Astearen baitan antolatutako ikuskizuna. Sarrera doan. 'Birakolore' Zurrunka Teatro & La Semilla Voladora (Gasteiz) Hala dio sinopsiak: "Basiliok eta Valeriak ekintzari ekitea erabaki dute: Haien gurditxoa lorez beteta dutela hiri zein herrietako kaleetan zehar bizitza landatzen, haziak banatzen, olerkiak ereiten, bihotzak dantzarazten eta utopia praktikatzen gidatuko gaituzte". Belaunaldien arteko topaketa xamur eta emankorra, non guztiok ongi etorriak izango garen parte hartuz gure hiriko paisaia eraldatzera.Esperientzia dibertigarria eta hunkigarria, inor axolagabe geratuko ez dena.

Hizkuntza: Euskara

20:00

21:00

'Tongola' umorezko ikuskizuna

Ugaitz Alegria eta Ainhoa Etxebarria aktoreen eskutik. KulturEkin programaren baitan antolatutako emanaldia.  Sarrera: 5 euro. Internet bidez esteka honetan.

19:00

20:00

Antzerkia: 'Bernarda klownaren etxea'

XXXIX. Antzerki Astearen baitan antolatutako ikuskizuna. Sarrera: 6 euro. 'Bernarda klownaren etxea' Zurriola antzerki eskola (Donostia) Hala dio sinopsiak: "Bernarda Albaren Etxearen, klown estiloan landutako bertsio bat da. Pertsonaiek bere esentzia gordetzen dute, baina klownaren eraginengatik, disparatzen dira, handitzen dira, erotzen dira, eta muntai alai eta dibertigarri bat osatzen dute".

Hizkuntza: Euskara

12:30

13:30

Antzerkia: 'Abdukzioa, ke barbaridad!'

XXXIX. Antzerki Astearen baitan antolatutako ikuskizuna. Sarrera: 6 euro. 'Abdukzioa, ke barbaridad!' Arrapaladan taldea (Elorrio) Hala dio sinopsiak: "Komedia honetan Marisoli 1967an gertatutakoa kontatzen da. Marisol gizarte atzerakoi eta sinesdun batean murgilduta bizi da. Mundu horretatik ihes egin nahian, mirarien bila ari da: fedean bilatzen du, baita beste dimentsioko gizarte aurrerakoietan ere. Denboran jauziak egingo ditu, joan-etorriak eginez 1967tik gaur egunera arte".

Hizkuntza: Euskara

18:00

20:00

Antzerkiak: 'Romeo = Julieta' eta 'Herria lo'

XXXIX. Antzerki Astearen baitan antolatutako ikuskizunak. Sarrera doan. 'Romeo = Julieta' Debako Gozatuz ikastaroko umeak Hala dio sinopsiak: "Itxarongela batean elkartu dira Romeo eta Julieta antzezlana egiteko castingera aurkeztu direnak. Denbora pasa ahala, urduritasuna, asperdura eta desberdinen arteko talkak agertuko dira, eta hasierako irudipenak, agian, ez dira diruditenak. Umorearen eta egoera xelebreen bidez, klasiko baten inguruko galderak sortuko dira: Zer kontatzen dugu? Nola kontatu nahi dugu?". 'Herria lo' Debako Gozatuz ikastaroko umeak Hala dio sinopsiak: "Herri honetan gaitz handi bat dago. Isila, ikusezina... baina denoi eragiten diguna. Gaua iritsi da eta, iluntasunarekin batera, hilketa bat egon da. Bitartean, herria lo dago eta ez da ezertxotaz konturatzen. Herria, esnatzeko ordua da. Umore absurdo eta surrealista erabiliz, ikerketa xelebre batean murgilduko gaituzte. Esnatu nahi al du inork egia ikusteko?"

Hizkuntza: Euskara

10:30

11:30

Antzerkia, Aizarnako Herri Eskolako ikasleen eskutik

XXXIX. Antzerki Astearen baitan antolatutako ikuskizuna. Lehen Hezkuntzako haurrentzat.

Hizkuntza: Euskara

18:00

20:00

Antzerkia: 'Requiescat In Pace'

XXXIX. Antzerki Astearen baitan antolatutako ikuskizuna. Sarrera doan. 'Requiescat In Pace' Debako Gozatuz ikastaroko umeak Hala dio sinopsiak: "Bakean atseden hartu aurretik bizitza neketsua da: gorputzak, buruak, lanak edota inguruak ez digute arnasik ematen. Umorea eta egia gordina uztartuz, bizi-etapa desberdinetan barrena bidaiatuko dugu deskantsatzeko une baten bila".

Hizkuntza: Euskara

19:00

20:00

Antzerkia: 'Supituki show'

XXXIX. Antzerki Astearen baitan antolatutako ikuskizuna. Sarrera: 6 euro. 'Supituki show' Antzerki inprobisatua (Bilbo)  Hala dio sinopsiak: "Supituki show-a giro hurbil, dibertigarri eta errespetuzkoan egiten da, eta ikusleak sorkuntzaren funtsezko parte bihurtzen dira, publikoak idazten dituen esaldietatik abiatuta sortzen baitira istorioak. Umorea, sormena eta benetako magia eszenikoa puri purian. Modu honetan bapateko istorio harrigarriak sortzen dira, inork ez baitaki zer gertatuko den emanaldian, gertatzen hasten den arte".  

Hizkuntza: Euskara

20:30

Antzerkia: 'El Encargo'

La Red teatroak, umorez eta dramaz, itxaropenez eta etsipenez beteriko testu bat kontatzen digu, mundu kontrajarriez eta baita manipulazioaz ere. Istorioak argitaletxe garrantzitsu baten bulegoetan kokatzen gaitu. Egun horretan, elkarrizketa pertsonal bana egingo zaie idazle arrakastatsu izateko bi hautagairi, eta biek bultzada emozional eta ekonomikoa behar dute beren bizitzak zuzentzeko. Azken bahera iritsi diren azken bi pertsonak dira. Nork jasoko du nobela bat idazteko enkargua? Prest egongo al dira beren ideiei uko egiteko argitalpen-kontratu garrantzitsu batengatik?   Jatorrizko ideia: Juanma Cano Zuzendaria: Mikel Areitiourtena Antzezleak: Maite Lorenzo, Ricardo Izaguirre eta Juanma Cano. Prezioa: 10 euro Iraupena: 70 min.  

19:00

20:00

Antzerkia: 'Adriene bergson-johnson'

XXXIX. Antzerki Astearen baitan antolatutako ikuskizuna. Sarrera: 6 euro. 'Adriene bergson-johnson' Itzuli konpainia (Baiona) Hala dio sinopsiak: "Adrienen pertsonaia pentsamendu neo-liberalaren metafora bihurtuko da, eta bere enpresaburu ikuspegi eta errealitatearen arteko desoreka izanen da gure ikuskizunaren umorearen iturria. Adriene atzerritarra denez, euskal gizarteari begirada berri bat ematen digu. Bere buruari dena baimentzen dio bere entzuleen barne galdezketak bultzatzeko. Bere 'outsider' jarrerari esker, gure buruaz, gure ohiturez edota egoera batzuen absurditateaz irri egiteko aukera ematen digu".

Hizkuntza: Euskara

19:00

20:00

Antzerkia: 'Alperrak, tunanteak eta maleanteak'

XXXIX. Antzerki Astearen baitan antolatutako ikuskizuna.  Alperrak, tunanteak eta maleanteak Gilkitxaro (Bilbo) Hala dio sinopsiak: "Gozamenaren aldarrikapena eta anormaltasunaren apologia egin nahi du antzezlan labur honek. Memorian eta historian arakatuko du komedia honek. Hain urruti ez dauden garai zaharrak eta gaur eguna horren ezberdinak ez direla jasoko dute inurri hauen antenek".

Hizkuntza: Euskara