Antzezlana

20:30

Macho grita

Macho grita (Crónica de mi propia ignorancia sobre la Historia de España) komedia musikal bat da, Don Juanen mitotik abiatzen dena, gure orainaren eta 1492. urtean inauguraturiko zikloaren arteko lotura aztertzeko. «Errekonkistarako», «Amerikaren aurkikuntzarako» edo judu eta moriskoen kanporatzerako hurbiltze pertsonala da, lurralde honetan «matxo-izaera» nola eraikitzen den umorez gogoeta egiteko. Gaur egungo bizitzarako balio dezaketen gauzak ulertzeko itxaropentxoarekin Espainiako historia ikusezinera (edo ikusezin bihurtutakora) gerturatzeko gogotik sortu da. Izan ere, menderatze-gogoaren eta harrapari-grinaren gainean eraiki ditugu gure gizarteak, eta orain akabatu egin gaitzakete. (Alberto San Juan) Sarrera: 12 euro.

20:30

El bar nuestro de cada día

El bar nuestro de cada día umorezko monologo musikala da. Tabernak aldarrikatzen ditu, ez soilik aisialdirako leku gisa, bizitza eta gu geu gurtzeko leku gisa ere bai.Antzokia taberna bihurtuta, Antonio Romera Chipik, El Bar Nuestro de Cada Día tabernako zerbitzariak, Malandro zenaren azken borondatea bete beharko du. Malandro ohiko bezeroa zen, eta nahiago izan du tabernan jai bat ordainduta utzi beilatokiko ohiko ehorzketa bat baino. Chipik zeremonia pagano bat inprobisatzen du Malandrorentzat, zenduak eskatu bezala, bera hil izanagatik negar egin beharrean bere bizitza ospatzeko jai bat egin dezaten lagunek. Sarrera: 12 euro.

17:00

"Semaforoa" haur ikuskizuna

Enekok ez die kasurik egiten semaforoei. Berehala lortu nahi ditu gauzak eta, horregatik, semaforoak oztopo bat dira berarentzat. Amets izeneko ezezagun batek bizitza lasaiago hartzeko eta gehiago jolasteko proposamena egingo dio. Baina Enekok ez dio kasurik egingo eta, behin, semaforoa gorrian dagoela, bidea zeharkatu eta ziztuan igaroko den argi erraldoi batek, ia-ia bertan irentsiko du. Sustoarekin ametsezko mundu batean sartuko da eta semaforoko pertsonaiek bizia hartuko dute, abentura dibertigarri bat proposatzeko. Baina Enekok ez daki zer egin, lehen bezala jarraitu ala semaforoko izakitxoek proposatzen diotena egin.“Semaforoa” antzezlan multimedia bat da, antzerkia, bideo-animazioa, interakzioa eta musika biltzen dituena. Sarrera: 4 euro.

18:00

20:00

Antzerkia: 'Lotura basatiak'

Goaz Antzerki Taldeak 'Lotura basatiak' antzezlanaren bira ixteko azken saioa eskainiko du Deban. Bi emanaldi izango dira: bata, 18:00etan eta, bestea, 19:00etan. 

20:30

"Aitatxo"

Anakotz Lasarteren dokumentaletik sortutako antzezlana. Semea galdu duen aita baten ikuspegitik, doluari buruzko gogoeta antzerkiratua. Hildako semearekin, elkarrizketa. Doluaren ikuspegi ezberdin bat, aita ta semearen gogoetatik. Benetako gertaeran oinarrituta. Bi ume hil zitzaien familia baten historioa. Aitak, galduetako seme batekin dituen elkarrizketa batzuen bitartez, dolua, maitasuna eta bizitzarekin aurrera egiteko indarra erakusten digu. Doluaren bidea, onarpenaren bidea, errealitatearen bidea. Bizitza, datorren bezala onartu. Sarrera: 10 euro.

20:30

Dulcinea

Dulcinean Paloma San Basiliok abestuko du, nola ez, eta pianoan bere bizitzan den jenio batek lagunduta: Julio Awad. Baina, batez ere eta beste ezeren gainetik, Dulcinean Palomak INTERPRETATUKO du, eta letra larriz, munduko zaldun ibiltari ospetsuenaren topiko eta ametsen kolpetik sortutako emakume ideal hori, orain bere historia beste angelu batetik kontatzen diguna, berak bakarrik ezagutzen duen horretatik, zalditeriako liburuek (oso bikainak izan arren) jaso ezin izan dutena. Eta umorez, minez, ironiaz eta zintzotasunez egiten du. Publikoarekin zamalkatzea besterik ez zaigu geratzen, eta, erraldoien errotak bereiziz, mito baten alderik pertsonalena erakustea, Kixoteren itzaletik ihesi, azkenean bera izateko eta bere bizitzaz hitz egiteko eta,bide batez, gureari errepaso on bat emateko aukera zoragarria duena. Sarrera: 15 euro.

20:30

El lenguaje de las flores

Itxaropenen gaitik abiatuta, Lorcaren “Doña Rosita la soltera” antzezlana oinarri, aro digitaleko maitasunari buruzko gogoeta egiten du lanak. Komediaren eta samurtasunaren artean, “Loreen hizkuntza” lanak pantailen erdian argia nola bilatzen dugun aztertzen du, mundu hiperkonektatu batean loturak nola loratzen eta zimeltzen diren. Desioari, bakardadeari eta lotzeko modu berriei buruzko begirada poetiko eta garaikidea da. Maitasuna Tinderren garaian. Sarrera: 10 euro.

20:30

"Pero no se lo digas"

Laura eta Paco senar-emazteek Ramon lagunaren bisita jasotzen dute afaltzeko, azken aldian maitasun-haustura jasan baitu. Paco limoi batzuk erostera jaisten den bitartean, Laura bere lagunarekin itotzen da aitorpenen (eta whiskyen) ilara amaigabe batean, begiak platerak bezala zabalaraziko dizkigutenak, bere argudioen absurdoa -eta batzuetan eldarnioa- ikusita. Errealitateak fikzioa gainditzen du. Paco superretik itzultzen denean, gauzak ez dira hobetzen: Laura lurrean dago, konorterik gabe, eta Pacok emazteak esandako guztia berresten du. Sarrera: 15 euro.

20:30

Marcela

On Kixote Mantxakoaren XVI. kapitulutik aurrera, antzezlan honek Marcela artzaina dakar oholtzara, emakumezko pertsonaia indartsu eta askea, gure orainarekin modu irmoan hitz egiten duena. Gizon bat hilda agertu da: Grisostomo. Emakume bati leporatu diote haren heriotza: Marcelari. Artzainek hari buruzko susmoak dituzte. Ez zaie haren edertasuna gustatzen, ezta haren harrotasuna ere. 1605ean gaude eta denek uste dute zigorra merezi duela. Baina Marcelak ez du men egingo eta bere buruaren defentsan jardungo du. Cervantesen pertsonaiarik ospetsuenetako bat da Marcela. Mito hau argitzen duten suak ezagutuko ditugu egungo hiru sortzaileren eskutik (Leticia Dolera, Celia Freijeiro eta María Folguera). Sarrera: 12 euro.

20:30

R & J

R & J Shakespeareren maitasun tragikoaren eta orainaldiko loturen arteko elkarrizketa da. Maitasunaz hitz egiteko abiapuntua da, emozioen arintasuna, sare sozialak eta maitatzeko modu ugari dauden garaietan. Garai guztietako maitasun-istorio ospetsuenaren berrikuspena da, egungo ikuspegi aske, garaikide eta zirraragarritik. Maitasun-paradigma berri baten bilaketa grinatsua da. Gaur egun, Veronako balkoia telefono-pantaila bat da, eta maitasun erromantikoa erortzear dagoen jokabide-eredu bat. Sarrera: 12 euro.

17:00

19:00

Zerua lapurtu dute

Bi saio: bata 17:00etan, bestea 19:00etan. Porrotx, Marimotots, Pupu eta Lore arduratuta daude izarrik ikusten ez dutelako. Zer gertatu da zeruarekin? Lapurtu egin al digute? Birtxi farozainaren laguntzaz urdin infinitura abiatu dira izarren bila… unibertsoaren sekretuak ezagutzera, urrunera begiratuz barrura begiratzeko! Etorri nahi?” Sarrera: 6 euro.

20:30

Desobedienteak 18/98

DESOBEDIENTEAK 18/98 antzezlanak konkretua unibertsal egiten du, eta desobedientzia zibilaz hitz egingo digu, ez bakarrik demokraziarekin eta haren printzipioekin bateragarri den tresna gisa, baizik eta demokrazia babesteko ezinbesteko erreminta gisa. Joxemi Zumalabe Fundazioaren kasua eta 18/98 sumarioaren barruko auzipetzea abiapuntutzat hartuta, antzerki-fikzio hau prozesu judizial horretan oinarritzen da eta, horrez gain, desobedientzia zibilaren historian eta haren azken aurrerapenetan murgiltzeko bidaia bat eskaintzen digu. Sarrera: 10 euro.

20:30

"El encargo"

La Red teatroak, umorez eta dramaz, itxaropenez eta etsipenez beteriko testu bat kontatzen digu, mundu kontrajarriez eta baita manipulazioaz ere. Istorioak argitaletxe garrantzitsu baten bulegoetan kokatzen gaitu. Egun horretan, elkarrizketa pertsonal bana egingo zaie idazle arrakastatsu izateko bi hautagairi, eta biek bultzada emozional eta ekonomikoa behar dute beren bizitzak zuzentzeko. Azken bahera iritsi diren azken bi pertsonak dira. Nork jasoko du nobela bat idazteko enkargua? Prest egongo al dira beren ideiei uko egiteko argitalpen-kontratu garrantzitsu batengatik? Sarrera: 10 euro.