Herri hezitzaileen filosofia bere eginda, hezkuntza herriko eragileen arteko ardura konpartitu gisa ikusten du Mendaroko Udalak, eskolaz eta familiaz haratago. Horregatik, herriko eragileak biltzeko dei egin zuen joan den udazkenean, Mendaroko Hezkuntza Foroa sortzeko asmoz. Oin Herri elkarteak gidatu du prozesua, eta hiru lan-saio egin dituzte herri hezitzaile gisa landuko dituzten lehentasunezko erronkak taldean zehazteko eta adosteko. Arg: Udala

Gaur, eguaztena, jendartEKIN proiektuaren baitan, teknologia berrien beste atal bat landu dute Niko Morillo adituak gidatuta. Oraingo honetan, Google Fotos izan da aztergaia. Hurrengorako, berriz, Google Drive izango dute langai, hori ere Niko Morilloren eskutik.