Pentsioen aldeko atzoko elkarretaratzea ezohikoa izan zen, aldarrikapena eta ospakizuna, biak uztartu baitzituzten. Aldarrikapenari dagokionez, “helburu ukiezina” izaten segitzen dutela azpimarratu zuten, gutxieneko pentsio duinak lortzea. Ospakizunari dagokionez, berriz, zortzi urte bete dira pentsioen aldeko borrokan eta urteurren hori zein bidean izandako lorpenak pintxo-potea eginez ospatu zuten Plaza Barrixan bertan.

GKSk urtarrilaren 31n Bilbon eta Iruñean deitu dituen manifestazioen nondik norakoak aurkeztu zituzten Soraluzeko gaztetxean atzo. Oro har, nabarmendu zuten kapitalismoa krisian dela, eta testuinguru horretan mezu eta diskurtso faxisten eta autoritarismoaren gorakada bistakoa ematen ari dela. Horiei aurre egitea urgentea dela adierazi zuten, eta, horretarako, antolaketarako deia ere egin zuten.