Atxutxiamaikak Elgoibarko Udalarekin elkarlanean prestatu duen familia proiektuaren barruan, umeen emozioak lantzeko hiru hitzaldi egingo ditu Donna Apellaniz Nieto terapeuta formatzaile eta ikertzaile emozionalak. Azaroaren 10ean izango da lehenengoa, 17:30ean, Aita Agirre kulturgunean. Beste bi saioak abenduan eta urtarrilean egingo dituzte.

1976-1977ko ikasturtean eman zituzten estreinako eskolak Elgoibarko Batxilergo Institutuan, eta, horren harira, 50 urteotan eskolatik pasatu diren langile, familia zein ikasleak bildu ziren atzo Herriko Antzokian, Arreiturre Institutuak 50 urte bete izana elkarrekin ospatzeko.